ХААЛГАН ДЭЭР

Хоосон чанарын хаалган дээр

Хөлөө арчиж зогсном

Хоосон тунгалаг хэн нэгэн

Хаалга нээхийг хүлээнэм

Хоосон чанарын хаалга

Чихран онгойхыг хүлээнэм

Хоосон болор хаалганы

Хонх жингэнэхийг хүлээнэм

Амгалан хоосны үүдэнд

Асарлан, хөхин зогсном

Аниргүйн харцанд оногдож

Аяа, гэнэтэд бясалганам

Хоосон чанарын үүдэнд

Удтал гэрэвшин зогсном

Хоосон чанарын хаалгыг

Зөөлөн зөөлөн тогшном